Վենեսուելայում ստուգում են Գուաիդոյի ունեցվածքը

Վենեսուելայի հսկողության գլխավոր տեսչությունը սկսել է երկրի Ազգային ժողովի նախագահ, ընդդիմադիր առաջնորդ Խուան Գուաիդոյի ունեցվածքի ստուգման գործընթացը: Այս մասին գրում է РИА Новости-ն՝ հանրապետության վերահսկիչ մարմնի ղեկավար Էլվիս Ամորոսոյին հղումով:

«Վենեսուելայի Հանրապետության գլխավոր վերահսկիչը Խուան Գուաիդոյի ունեցվածքի ստուգման գործընթացի մեկնարկի հրամար է տվել»,- ասել է Ամորոսոն:

Նրա խոսքով՝ նման որոշման հիմք է դարձել այն, որ Գուաիդոն ենթադրաբար թաքցրել կամ կեղծել է իր իրական ակտիվների մասին տեղեկությունները, ինչպես նաև արտերկրում գտնվող ապօրինի կառույցներից գումարներ է ստացել:

Ինքը՝ Գուաիդոն, դեռևս այս առնչությամբ մեկնաբանություններ չի արել:

Հիշեցնենք, որ Վենեսուելայում հունվարի 23-ից բողոքի զանգվածային ցույցեր են ընթանում երկրի նախագահ Նիկոլաս Մադուրոյի դեմ: Ցուցարարները պահանջում են վերջինիս հրաժարականը և երկրում սահմանադրական կարգերի վերահաստատումը: Քաղաքական լարված իրավիճակի ֆոնին երկրի ընդդիմադիր խորհրդարանի առաջնորդ Խուան Գուաիդոն իրեն նախագահի ժամանակավոր պաշտոնակատար է հռչակել:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով